LIDMAATSKAP

VEREISTES VIR LIDMAATSKAP:

Christenskap.

Afrikaanssprekend.

'n Liefde vir die Afrikaanse taal en die Afrikanerkultuur.

Nie lid van `n organisasie waarvan die grondwet strydig is met dié van die Rapportryerbeweging nie.

WAT BIED DIE RAPPORTRYERS?

U word ’n lid van ’n NASIONALE organisasie wat eenders dink en voel oor die visie, strewe, doelstellings en waardes van die organisasie.

LIMAATSKAP STEL U IN STAAT OM:

Sosiaal te verkeer met eendersdenkende mense en hegte bande te vorm, saamkuier en onbevange Afrikaans te kan wees.

U gedagtes en kwellings te deel met mense wat ook soos u voel en dink.

U te bevind binne ‘n struktuur wat u in staat stel om vir u medemens van waarde te wees, deur op verskeie maniere diens te lewer aan u gemeenskap.

U kan as deel van u korps kreatiewe projekte in u gemeenskap begin.

U kan meedoen aan Nasionale projekte soos die:

Bybelvasvra-kompetisie vir Laerskoolleerlinge.

Die Ouboet-projek (avontuurnaweke vir behoeftige seuns).

Geskiedenisuitstappies vir leerlinge. (Toesien dat die Afrikanergeskiedenis behoue bly).

Afrikaner-erfenisprojek. (Opspoor, noteer en bewaar van erfenisse.)

U kry die geleentheid om netwerke op te bou en in aanraking te kom met mede-Afrikaners uit verskillende agtergronde en beroepe.

U het toegang tot die groter Afrikanerkultuurgemeenskap, omdat die organisasie se hoofbestuur, in samewerking met ander Afrikaanse organisasies, aktuele onderwerpe bespreek en van tyd tot tyd saamwerk aan gemeenskaplike doelwitte.